Таа е нашиот FitKit херој на годината и со право! 🦸♀️
Како личност со заразен фитнес ентузијазам, таа постојано го мотивира целиот тим да вежба, да се релаксира и да вложува во себе, дури и во деновите кога сме многу уморни и со еден тон обврски на глава.
Запознајте ја Маја Стојановска, нашиот графички и веб дизајнер и FitKit херој на 2024та година! 👋
Уште откако знам за себе, јас сум била навистина физички активна како личност. Но, пресвртна точка ми беше кога започнав да работам како дел од тимот на FitKit и да вежбам преку апликацијата. Имаше еден тон активности што ми делуваа примамливо и едвај чекав да видам каде ќе се пронајдам.
Првата активност што Маја ја пробала преку FitKit апликацијата било јога, бидејќи во тој период од животот, имала проблеми со грбот.
Ако порано била голем вљубеник во јога и ја користела секоја можност да прави стој на глава, но денес, денот не може да си го замисли без динамичен Reformer Pilates тренинг во Студио 60. 🤸♀️
Бидејќи работата ми е многу флексибилна, вежбам во секое слободно време – било да е тоа пред работа, после работа, за време на пауза, или кога и да најдам “луфта” помеѓу задачите. На овој начин, кога ќе се вратам назад пред компјутер, сум многу попродуктивна и помотивирана за следните дизајнерски предизвици. Се трудам да правам баланс помеѓу вежбање, масажа и заслужен одмор.
Зависно од расположението и на која нога ќе се разбуди, така си бира што ќе вежба во денот и која плејлиста ќе се слуша.
За да не “забушавам” во вежбањето, секоја недела си седнувам и си ги планирам тренинзите за следната седмица, си ги закажувам во календар и строго си го почитувам закажаното. 🙌
Чувството на исполнетост што го чувствуваш после вежбање не се споредува со никој резултат што ќе го постигнеш во теретана, смета Маја.
Многу ме инспирираат луѓето што и покрај сите обврски во денот, секогаш наоѓаат време за тренинг. За мене, тие се најголемите фитнес херои!
Во тие ретки моменти кога не вежба, таа се релаксира смислувајќи нови дизајни за дуксерите од нејзиниот бренд omayodesign, и нови принтови за Sуниците од нејзиниот мал бизнис https://zunica.co/, слуша подкасти, гледа серии, патува, вози точак или се гушка со нејзиното кученце Тоби. 🐶
Моите фитнес цели за 2025та година се да продолжам редовно да вежбам како и до сега, бидејќи гледам дека тоа ми помага физички и психички. Би сакала да ги пробам и сите идни активности што ќе бидат дел од FitKit апликацијата за да внесам уште поголема динамика во мојата рутина. Засега имам пробано сè, па едвај чекам да воведеме нови дисциплини за да ги тестирам. 😅
За да дознаеш повеќе за Маја:😎
👍 Додај ја за пријател на Фејсбук: Maja Stojanovska
📸 Пиши ѝ на Инстаграм: @ommayo0
🎯 Конектирај се на LinkedIn: Maja Stojanovska
ФитКит e апликација која ти овозможува да вежбаш кога сакаш и каде сакаш, сега и со опција за закажување сесии со лиценциран психолог.
ФитКит е и пл
атформа со видео програми за вежбање со твоите омилени ликови. Програмите можеш да ги отклучиш со твојата ФитКит претплата, со 15 кредити, 990 денари, или преку видеотеката на MaxTV. Апликацијата е достапна на PlayStore и AppStore.