Фиткит нуди услуги преку преку повеќе свои компании во земјите од регионот (во понатамошниот текст: “Фиткит“, „ние“). 

Оваа Политика за Приватност, има за цел да ги опише нашите  практики за собирање, употреба, откривање и обработка на Вашите лични податоци кои Фиткит ги прибира од лицата кои ја посетуваат и користат нашата веб платформа (www.fitkit.app) и/или мобилна апликација („Фиткит апликацијата“),како и од други лица чии лични податоци се користат за давање на нашите услуги и во врска со користење на нашите продукти.
Контролор на Вашите лични податоци

Кога се регистрирате за користење на услугите на Фиткит или резервирате конкретни фитнес/велнес активности преку Фиткит апликацијата или веб-платформата или друга соработка, контролор на Вашите лични податоци за тие конкретни услуги е ФИТКИТ компанијата која Ви ги обезбедува услугите во Вашата земја на регистрација или користење.

Во табелата, ќе најдете нивни контакт податоци, како и контакт податоци од офицерот за заштита на личните податоци.
 

Држава	Назив на Контролор	Адреса и контакт на Контролорот	Офицер за заштита на лични податоци
Северна Македонија	Фиткит Интернешнел ДОО Скопје	ул. Вангел Тодоровски бр. 5/1-30, Скопје – Аеродром, Република Северна Македонија info@Фиткит.app	+389 75 420 308
Србија	Фиткит Србија	(Адреса и контакт податоци)
Грција	Фикит Грција	(Адреса и контакт податоци)
Бугарија	Фиткит Бугарија	(Адреса и контакт податоци)
Словенија	Фиткит Интернешнел ДОО Скопје	( назив , контакт податоци на претставникот на Фиткит Интернешнел ДОО Скопје) во Словенија

 

Собирање на Вашите лични податоци

Извори на Вашите лични податоци

Фиткит ги собира личните податоци што Вие самите ни ги доставувате со воспоставување директен контакт со нас и/или се регистрирате за да добивате промотивен материјал од нас, како и со користење на нашата веб страна, нашата апликација и на услугите и продуктите кои Ви ги нудиме. Личните податоци кои ги собираме кога отворате Ваш профил на нашата апликација Фиткит.app ги користиме за одржување на вашиот профил, за обезбедување на нашите продукти и услуги за Вас, како и за остварување и подобрување на Вашето искуство во користењето на нашите платформи и услуги.

Лични податоци за корисниците на Фиткит апликацијата и Фиткит услугите може да собираме и од трети (правни) лица, кога се остварува соработка за користење на Фиткит апликацијата и Фиткит услугите во име на вработените и/или клиентите кај правните лица.

Ние исто така собираме и обработуваме лични податоци од даватели на услуги и добра со кои соработуваме заради остварување и унапредување на продуктите и услугите кои ги нудиме на нашите корисници, а со цел овозможување целосна програма која на различни аспекти ќе придонесе кон унапредување на фитнесот состојбата на нашите корисници.

Категории на лични податоци кои ги собираме за Вас

Додека ги користите нашите платформи, продукти, и услуги, ние може да побараме од Вас информации со кои може да бидете идентификувани, како на пример (но не ограничувајќи се на) податоци за Вашите:

Податоци за корисници на нашите услуги: име и презиме, адреса на живеење, пол, датум на раѓање, финансиски податоци и податоци за кредитна картичка, лична фотографија,, профил на социјални медиуми (само за корисниците кои се најавуваат на Фиткит користејќи Facebook). Вашите контакт податоци (емаил и телефонски број) ги користиме за регистрација и управување со сметката, испорака на услуги и важни известувања, прилагодување на содржината според вашата локација, заштита на сметката и спречување измами, корисничка поддршка, како и за маркетиншки цели со ваша изречна согласност.

Податоци за Вашето користење на нашите платформи, апликација и услуги (кориснички податоци, односно податоци за кориснички активности и профил). Истите може да содржат информација дека малолетно лице користи одредени услуги преку Вашиот профил/сметка. Меѓутоа, ова не вклучува собирање и обработка на податоци со кои може да се идентификува малолетното лице. 

Посебни категории на лични податоци

Резервирањето психолошки услуги преку апликацијата вклучува обработка на сензитивни податоци за менталното здравје кои како посебна категорија лични податоци се строго заштитени со прописите за заштита на лични податоци.

Фиткит ги обработува овие податоци единствено за безбедно и ефикасно закажување и олеснување на користењето на избраната услуга и немаме никакви дополнителни податоци во врска со вашето здравје и сесии.

Податоци за овластени лица и вработени кај добавувачи, даватели на услуги кои се правни лица : име и презиме, адреса, контакт податоци (емаил, телефонски број), работна позиција, правно лице, вид на договор и услуга, податоци за обезбедување на услугата

Податоци за физички лица даватели на услуги, како на пример ангажирани тренери: име и презиме, адреса, ЕМБГ согласно закон, податоци за исплата, вид на договор и услуга, податоци за обезбедување на услугата, финансиски и даночни податоци, фотографии и видеа за цели на тренинг програмите, профил на социјални медиуми

Кориснички податоци (податоци за кориснички активности и профил)

Податоци за Вашиот кориснички профил и Вашите (онлајн) кориснички активности се собираат автоматски кога ги користите нашите платформи, продукти, и услуги.

Податоци за Вашите кориснички активности може да вклучуваат информации за IP адресата на вашиот уред од кој се логирате на нашите платформи, типот и верзија на пребарувачки софтвер (browser) кој го користите за да пристапите до нашите платформи и услуги, страните кои ги користите од нашите платформи, датумот и времето кога се логирате на нашите платформи, како и времетраењето на Вашата посета на нашите платформи, уникатни идентификатори на Вашиот уред од кој се логирате, и други дијагностички податоци за вашата онлајн активност на нашите платформи и  пристап до нашите услуги.

Кога пристапувате до нашите платформи и услуги преку мобилен уред, ние може да собираме одредени податоци автоматски, вклучително и типот на мобилниот уред кој го користите, уникатниот ID (идентификациски број) на мобилниот уред, оперативниот систем на мобилниот уред, типот на мобилен интернет и пребарувачки софтвер кој го користите, и други идентификатори и дијагностички податоци за вашиот мобилен уред.

Ние исто така може да собираме податоци кои Вашиот пребарувачки софтвер ги испраќа секогаш кога пристапувате до и ги користите нашите платформи и услуги.

Податоци кои ги собираме од трети страни – социјални медиуми

Ние може да собираме и користиме лични податоци кои сте ги споделиле со креирање на профил и/или со инакво делување во јавниот домен со трети страни – социјални мрежи. Ние исто така може да пристапиме во комуникација со Вас преку Вашите профили на трети страни – социјални мрежи заради остварување иницијална комуникација и потенцијална соработка со вас.

Исто така, Вие може да креирате сметка и да се логирате (да пристапите) кон користење на нашите платформи и услуги преку ваш профил на социјални мрежи или кога сами ги споделите со нас како дел од сведоштвата за вашето позитивно корисничко искуство со нашите програми и услуги.

Податоци кои ги собираме додека ја користите апликацијата Фиткит

Кога ја користите нашата апликацијата Фиткит= ние може, по претходна дозвола/согласност од Вас, да  собираме информации за вашата (географска) локација за да ви овозможиме што подобро и полесно користење на сите можности во нашата апликација, и притоа за да ја подобриме, усовршиме и подесиме апликацијата и продуктите кои ги нуди, како и другите услуги кои ви ги нудиме. Вие може да дозволите или оневозможите пристап до ваквите податоци во секое време, преку адаптирање на поставувањата на вашиот мобилен уред.

Технологии за пратење и колачиња

Кога ги посетувате нашите платформи, ја користите Фиткит апликацијата, се регистрирате за и го користите Вашиот кориснички профил, или побарате понатамошни информации за Фиткит платформите и услугите, ние автоматски собираме податоци со користење на колачиња и пиксели за пратење. Вака собраните податоци, ние и нашите партнери, ги користиме за да ги анализираме движењето на нашите платформи и трендовите на користење на нашите продукти и услуги, за да ги управуваме нашите онлајн платформи (веб страни, апликации, профили на социјални мрежи) – самостојно или со помош на даватели на услуги за хостирање, како и за собирање на податоци за корисниците на нашите услуги и платформи.

Технологии кои ги користиме за пратење на активностите на нашите платформи и собирање информации потребни за анализа, оцена, и усовршување на нашите платформи и услугите кои ви ги нудиме може да вклучуваат: водичи (beacons), етикети (tags), и записи (scripts). Подетални информации за начините и целите за кои користиме колачиња на нашите платформи може да се најдат во нашата Политика за колачиња, која е достапна на Фиткит.app.

Цели на користење на Вашите лични податоци

Ние може да ги користиме Вашите лични податоци за следниве цели:

За обезбедување и одржување на нашите платформи и услуги, вклучително и за следење на користењето на нашите продукти и услуги.

За одржување на Вашиот профил во нашата апликација: за спроведување на Вашата регистрација и управување со вашиот профил како корисник на нашите платформи и услуги. Личните податоци кои ни ги давате при регистрирање на Фиткит профил Ви дава пристап до различни функции, продукти и услуги на Фиткит апликацијата.

За склучување и исполнување на договор (остварување договорни права и обврски): за склучување и постапување по договор за услуга, договор за дело, и други договори кои ги склучуваме со соработници заради обезбедување на производите и услугите кои Ви ги нудиме, како и други договори кои ги склучуваме заради одржување на нашите платформи и обезбедување на нашите услуги и производи. За пристап до, и користење на, одредени продукти на Фиткит апликацијата може да побараме да ни дадете дополнителни лични податоци.

За комуницирање со Вас: За да ве контактираме по емаил, телефон, СМС, или инаку преку еквивалентен модел на електронска комуникација (на пример, преку нотификации преку Фиткит апликацијата) со цел да ве информираме за ажурирање на нашите услугите кои ги користите, или за друг тип информативна комуникација во однос на фунционалноста на нашите продукти и услуги кои ги користите преку нашите платформи (вклучително и информации за ажурирање на безбедносните системи).

За да управуваме со и одговориме на Вашите барања: За да ги примиме, разгледаме, решаваме по, и одговориме на Вашите барања упатени до нас.

За промоција на нашите услуги и активности преку споделување на вашето искуство од користење на услугите преку нашата веб страна или социјални медиуми

За да доставиме таргетирани маркетинг понуди до Вас: Ние може да користиме Ваши лични податоци за да развиеме и поставиме промотивен материјал (информации, специјални понуди, новитети) за други продукти, услуги и настани кој соодветствува на Вашите интереси и преференци,  и/или локација, но само, доколку претходно доброволно сте се согласиле на ваквата обработка при вашата регистрација како нов корисник или при користење на вашиот онлајн профил. Доколку сакате да не бидете предмет на таргетиран маркетинг, може да ја повлечете вашата согласност во секое време преку посебен линк во самата маркетинг порака или да ни пратите барање, преку следнава онлај форма или на следниов емаил: info@fitkit.app.

За целите на учество во Програмата за предизвици и давање подароци на Фиткит („Програма”)

Со прифаќање на предизвиците и активно собирање на поени со притискање на копчето „Собери” во апликацијата, вие се согласувате да учествувате во Програмата и вашите лични податоци да бидат обработувани за следните цели: следење на напредокот на вашите дневни и месечни предизвици, доделување поени и подароци, вклучување во рангирањето на најдобрите учесници (топ листа) и анализа на учеството во Програмата заради нејзино подобрување. Имате право да ја повлечете согласноста на следниот контакт маил info@fitkit.app, што нема да влијае на законитоста на обработката извршена пред повлекувањето.

Регистрираното име на корисникот, сликата на профилот  и освоените поени ќе бидат јавно прикажани на топ листата од најдобри учесници како што е опишано во Условите за користење и Услови за купување. Личните податоци на учесниците ќе бидат целосно избришани или анонимизирани 3 месеци по завршувањето на Програмата или повлекувањето на согласноста, во зависност од тоа што ќе настане прво.

За други цели: Ние може да користиме Ваши лични податоци за спроведување анализа на податоци, идентификување трендови на користење на платформите и продуктите, мерење и утврдување ефикасност на нашите промотивни кампањи, како и други активности наменети за оцена и подобрување на нашите услуги, продукти, маркетинг, и Вашето искуство при користењето на нашите платформи, продукти и услуги.

Правни основи за обработката на Вашите лични податоци

Ние може да обработуваме лични податоци во следниве случаи, односно по основ на:

Согласност: Вие сте ни дале согласност да ги обработуваме Вашите лични податоци за една или повеќе специфични цели, како на пример за цели на директен маркетинг на услуги и производи, споделување на вашето искуство како корисник, При плаќање во Фиткит апликацијата, можете, со ваша изречна согласност да ги зачувате податоците од вашата платежна картичка во токенизирана форма за идни купувања; додека при плаќање на претплати, со самото активирање на претплатата, корисникот дава согласност за зачувување на платежните податоци во форма на токен, што е неопходно за автоматско и повторувачко наплатување. Фиткит не ги чува целиот број на картичката, CVV/CVC или датумот на истекување на своите сервери, туку само уникатна референца (токен) од специјализиран давател на платежни услуги (PSP), заедно со последните 4 цифри и типот на картичката. Имате право да ја повлечете дадената согласност во било кое време, по што сите зачувани токенизирани податоци ќе бидат избришани, а засилената автентикација (SCA) обезбедува дополнителна сигурност при трансакциите.

Исполнување на договор: Обработката на личните податоци е неопходна заради исполнување на договор кој го имаме склучено со Вас, вклучително и за сите пред-договорни права и должности кои претходат на склучувањето на ваквиот договор.

Законски должности: Обработката на личните податоци е неопходна за исполнување на должности на Фиткит  согласно законот, како на пример даночни обврски или барања од државни органи согласно закон.

Легитимни интереси: Обработката на личните податоци е неопходна за остварување на легитимни интереси на Фиткит , како што е заштита на деловните операции и веб страната (детектирање на проблеми, анализа на податоци, тестирање, безбедност и поддршка на системи и апликации, хостирање на податоци и известување), управување и соработка со даватели на услуги, водење на судски постапки за наплата,  подобрување на нашите услуги, продукти.

Откривање и пренос на Вашите лични податоци на трети страни

Со даватели на услуги: Ние може да ги споделуваме Вашите лични податоци на даватели на услуги со кои соработуваме, вклучително за одржување на нашите платформи и услуги, за процесирање на плаќања за користење на нашите услуги и продукти, продукциски куќи или телекомуникациски оператори за снимање и прикажување на видео материјали

Со соработници: Ние може да ги споделуваме Вашите лични податоци со наши соработници, кои се обврзани да дејствуваат во согласност со оваа Политика на приватност како на пример ИТ консултанти и програмери кои ни помагаат во одржувањето и надградувањето на Фиткит апликацијата.

За креирање промотивни содржини: Ние може да ги споделуваме Вашите лични податоци на маркетинг агенции и други даватели на услуги со кои соработуваме за креирање и испраќање промотивни содржини до Вас лично преку емаил и/или за креирање наш промотивен материјал и маркетинг понуди  кој би Ви се појавил кога користите платформи на трети страни.

Со деловни партнери:

За да ви овозможиме пристап до широк спектар на фитнес и велнес услуги (како спортски центри, фитнес студија, базени, индивидуални тренери и други правни лица чии простории, производи и услуги ги користите преку апликацијата, ние соработуваме со различни деловни партнери-даватели на услуги.

Кога резервирате термин или услуга кај некој од нашите партнери преку апликацијата, потребно е да споделиме одредени ваши лични податоци со тој партнер. Целта на ова споделување е да му се овозможи на партнерот да го потврди вашиот идентитет при пристигнувањето и да се осигура и да верификува во нашиот систем дека сте го искористиле резервираниот термин.

Податоците кои се споделуваат за оваа намена ги вклучуваат вашето име и презиме, профилна фотографија, телефонски број и единствен код за услугата/терминот.

Правната основа за ова споделување е извршување на договорот што го имате со нас (со цел да ви се овозможи користење на резервираната услуга), како и легитимниот интерес на нашите партнери да го верификуваат присуството и искористеноста на нивните услуги.

Со сите наши даватели на услуги и партнери, имаме склучено соодветни договори за обработка на податоци, со кои се гарантира дека вашите податоци ќе бидат заштитени, третирани доверливо и користени исклучиво за наведените цели, во согласност со GDPR и применливите национални прописи за заштита на личните податоци кои се применуваат за договорните страни.

Со други корисници: Ние може да споделуваме Ваши лични податоци кои сме ги добиле со Вашето делување во јавниот домен со други корисници и трети страни – социјални мрежи. Ова е ограничено на личните податоци кои се јавно отворени на вашите профили на социјалните мрежи (име, фотографија, опис на вашите активности на платформата), и за цели на остварување и/или подобрување на комуникација и соработка со вас, споделување на корисничко искуство.  

По основ на закон и други правно обврзувачки побарувања: Во некои околности, ние може да сме обврзани да ги споделуваме Вашите лични податоци по барање на закон и/или јавни органи (судови, Владини агенции, извршител). Ние може да ги споделуваме Вашите лични податоци, кога е тоа неопходно заради остварување и постапување по наши законски обврски, заштита и одбрана на нашите права и сопственост, спречување и/или истражување на (можна и/или потенцијална) злоупотреба во однос на нашите платформи, продукти и услуги, заштита на личната безбедност на нашите корисници/клиенти и/или на јавната безбедност, делување по однос на наша правна должност и одговорност.

Нашиот однос со третите страни е уреден со Договор, кој регулира дека се правата и обврските во врска со заштитата на личните податоци и технички и организациски мерки за безбедност на Вашите лични податоци.

Пренос на Вашите лични податоци во трети земји

Вашите лични податоци може да бидат пренесени во трети земји надвор од Европската Унија и Европскиот економски простор – на пример, до нашата матична компанија Фиткит Интернешнел ДОО, Скопје во Република Северна Македонија, со цел обезбедување административна, техничка или оперативна поддршка поврзана со нашите деловни активности.

Без разлика дали сте корисник од Европската Унија или од друга земја, ние се обврзуваме да обезбедиме дека секој пренос на лични податоци во трети земји се врши во согласност со важечките прописи за заштита на личните податоци. За таа цел, склучуваме договори за обработка на лични податоци со примателите во трети земји, кои го регулираат преносот и обработката на податоците. Овие договори може да содржат стандардни договорни клаузули одобрени од Европската Комисија или друго надзорно тело за лични податоци, а кои обезбедуваат соодветно ниво на заштита.

 Кога се претплатувате или купувате услуги преку нашата мобилна апликација, а за да ги обезбедиме највисоките стандарди за заштита на податоците и усогласеност со Општата регулатива за заштита на податоците (GDPR), соработуваме со специјализиран давател на услуги регистриран во ЕУ, за безбедно и ефикасно да ја реализираме вашата трансакција и плаќања.

Чување и безбедност на Вашите лични податоци

Чување и безбедност на Вашите податоци

Ние користиме различни технологии и процедури и преземаме повеќе безбедносни мерки за да ги заштитиме Вашите лични податоци од неовластен пристап и од противправно користење и/или споделување на истите.

Рокови за чување и бришење на Вашите лични податоци

Фиткит ги чува Вашите лични податоци на начини и за цели утврдени со оваа Политика на приватност за времетраењето што е неопходно за остварување на така утврдените цели, освен доколку законот дозволува или наложува нивно чување за подолг период.

Кога Вашите лични податоци не ни се повеќе потребни за остварување на целта заради која сме ги собрале и се обработуваат, ние на навремен и безбеден начин ги бришеме.

Ние може да продолжиме да ги чуваме Вашите лични податоци подолго од утврдениот рок за нивно чување, доколку ова е потребно заради остварување на Вашите и нашите законски и договорни права и обврски, како и заради решавање спорови и остварување права и обврски кои ги имаме према трети страни, заради остварување на наши легитимни интереси (на пример, за остварување деловни цели, усовршување на нашите производи, одржување компетитивност на пазарот, водење на правни постапки итн.), како и заради усогласување на нашите безбедносни мерки и стандарди во однос на безбедноста, интегритетот и оперативноста на Фиткит апликацијата и на другите наши платформи, услуги, и продукти.

Вашите права во однос на употребата и обработката на Вашите лични податоци

Автоматизирано носење одлуки

Вашите податоци може да бидат предмет на автоматизирано донесување одлуки врз основа на информации за вашите преференци, претходна интеракција со нас и употреба на услугите или демографски податоци со цел да доставиме маркетинг понуди кои најмногу одговараат на вашите интереси, но само со ваша претходна согласност.

Вашите права во однос на заштита на личните податоци

Вашите права во однос на користењето и обработката на Вашите лични подаотци за време и во контекст на процесот за вработување вклучуваат:

Право да бидете информирани за обработката на Вашите лични податоци;

Право на пристап до Вашите лични податоци, и воедно право да добиете копија од податоците за Вас кои ги чуваме и користиме;

Право на исправка на Вашите лични податоци ако се нецелосни и неточни;

Право на бришење на Вашите лични податоци во било кое време;

Право на ограничување на обработката на Вашите лични податоци ако ја оспорувате нивната точност, правниот основ, и/или целта на нивната обработка;

Право на приговор за обработката на Вашите лични податоци кога тие се обработуваат заради легитимен интерес, и/или за цели на директен маркетинг;

Право на преносливост на Вашите лични податоци до трети страни и/или до Вас лично, и воедно да ги добиете истите во структуиран и машински читлив формат.

Oстварување на Вашите права во однос на заштитата на личните податоци

Доколку имате прашање, барање, или жалба во однос на обработката на Вашите лични податоци во Фиткит во однос на Вашите права поврзани со обработката, Ве молиме да се обратите на соодветниот Офицер за заштита на личните податоци, чии податоци се наоѓаат во табелата погоре.

Испраќање на вакво барање е бесплатно, а обработката на истото ќе побарува дополнителни трошоци само во исклучителни околности.

Имате право да поднесете приговор и до соодветното националнo тело  за заштита на личните податоци против обработката на Вашите лични податоци.

 

North Macedonia	Personal Data Protection Agency of the Republic of North Macedonia	14 floor, Boulevard Goce Delchev 18, Skopje 1000 https://azlp.mk/ info@privacy.mk + 389 (2)3230 635
Serbia	Commissioner for Information of Public Importance and Personal Data Protection	Bulevar kralja Aleksandra 15, Beograd 11000, Serbia https://www.poverenik.rs/sr-yu/naslovna.html оffice@poverenik.rs +381 11 3408 900
Greece	Hellenic Data Protection Authority (HDPA)	Kifissias 1-3, PC 115 23, Athens, Greece https://www.dpa.gr/el contact@dpa.gr  +30-210 6475600
Bulgaria	Commission for Personal Data Protection	2 Prof. Tsvetan Lazarov Blvd., Sofia 1592 https://cpdp.bg/  kzld@cpdp.bg
Slovenia	Information Commissioner of the Republic of Slovenia	Dunajska cesta 22 1000 Ljubljana, Slovenija https://www.ip-rs.si/ 01 230 97 30

 

Промена на Политиката за приватност

Политиката за приватност редовно ќе се проверува и ажурира, како и по потреба и соодветно на настанатите промени и нашите активности.

Доколку имате прашања за оваа Политика на приватност или за начинот, целите и други прашања во однос на тоа како ги користиме и обработуваме Вашите лични податоци, Ве молиме пишете ни на следниов емаил: info@fitkit.app или пополнете ја следнава онлајн форма.

Оваа Политика е донесена или последно ажурирана на 10.02.2026 год..