Одлично опремени, секогаш во тек со најновите трендови и подготвени да се соочат со најголемите предизвици за да го обезбедат најдоброто искуство за своите вежбачи. 😎
Запознајте го нашиот ФитКит провајдер на неделата — фитнес клубот Atleta 2003 што се наоѓа во срцето на градот Скопје.
Познат како фитнес клуб кој зад себе има најголем број на шампиони во бодибилдинг и фитнес во Македонија, Атлета веќе 35 години докажува како едно фитнес студио треба да изгледа и функционира.
Иако пандемијата го разниша распоредот и функционирањето на клубот, сепак тимот на Атлета бргу се врати во игра посилни од кога и да е порано. 💪
Најголем предизвик ни беа давачките што ги имавме за време на оние 3 ипол месеца додека не фунционираше салата. Сепак, вежбачите имаа разбирање. Салата сега е отворена и ги следиме протоколите пропишани од Владата и бргу се адаптиравме кон нив, но се надеваме на брзо нормализирање на ситуацијата и зголемување на бројот на посетители, бидејќи фитнес центрите се безбедно место за вежбање дури и за време на пандемија, вели Адам Глигороски, фитнес тренер во студиото.
А еве кој е протоколот за влегување во Атлета и начинот на кој што студиото ги почитува здравствените препораки: 👇
- Дезобариера поставена на влезот
- Безконтактно мерење на температура при секое влегување
- Дезинфекција на раце пред, после и за време на тренинг
- Користење на чисти патики и сопствена крпа
- Дезинфекција на фитнес справите по нивна употреба
- Намален капацитет на вежбачи што можат истовремено да бидат во сала
Поради пандемијата, значително е намален бројот на вежбачи и затоа распоредот претрпе промени. Сепак, доколку се створи гужва и има над дозволениот број на вежбачи, ќе воведеме задолжително закажување на термин за тренинг, објаснува Адам.
Затоа, Адам со апел до вежбачте кои што со нетрпение очекуваат да се вратат во сала:
Апелираме на намалување на паниката, на зголемување на свеста и на почитување на протоколите за време на пандемијата со цел побезбедно вежбање.
Ако сакаш да бидеш дел од енергичниот тим на Атлета и да креваш тегови во друштво на шампиони, посети го нивното фитнес студио на булевар “Кузман Јосифовски Питу” број 24а во Скопје.
Ако ти требаат повеќе информации за распоредот и тренинзите, заследи ги на Инста (@Fitnessclubatleta) — или пиши им порака на Фејсбук (Fitness club ATLETA GYM) за да бидеш секогаш во тек со новостите на студиото.
Врзувај патики и се гледаме со сала! 😎
ФитКит e апликација која ти овозможува да вежбаш кога сакаш и каде сакаш, сега и во online вежбалните низ целата држава.
