Јавање, картинг, куглање, искачување планини, off-road тури се само дел од нашите нови активности што за прв пат ги воведуваме на нашата платформа, а гарантираме дека ќе сакаш да ги пробаш. 🤸♀️
Еве зошто да им дадеш шанса и да си закажеш термин:
🏇 Рекреативно јавање
Кој пробал јавање знае колку е тоа една навистина релаксирачка активност поради природниот ритам на движење на коњот.
Ти помага да си го зголемиш чувство на моќ и контрола над својот живот, додека истовремено ти ја подобрува рамнотежата, координацијата и секако – расположението.
Сите овие придобивки можеш да ги почувствуваш ако закажеш си термин преку ФитКит апликацијата за рекреативно јавање во коњаничките клубови Animals, Ilinden или Horse Riding 1 May.
Ти гарантираме дека ова ќе ти биде едно поинакво искуство што ќе сакаш да го повториш (одново и одново).
🎳 Куглање
Куглањето е еден од оние активности во кој што може да учествуваат луѓе од 7 до 77 години.
Освен подобрување на здравјето и подобра телесна подготвеност, куглањето ќе ти донесе многу нови пријателства, дружење и секако – развивање на тимскиот дух.
Кугланата Мусандра што сега е дел од ФитКит портфолиото, е одлично место за дружба и покажување на својот натпреварувачки дух на дело.
🚵 Планинарење
Внатрешен мир, уживање во природните убавини на Македонија и релаксација, не се единствените причини зошто треба да планинaрите.
Оваа активност носи и бројни здравствени придобивки:
✅ Придонесува за губење на тежината
✅ Го подобрува квалитетот на спиењето
✅ Го намалува ризикот од хронични заболувања
✅ Го намалува нивото на холестерол
✅ Го зголемува капацитетот на белите дробови
✅ Го зајакнува срцето
✅ Ги зајакнува коските и мускулите
✅ Ја подобрува работата на мозокот и расположението
✅ Го намалува стресот и депресијата
Тимот на I love hiking постојано организира нови тури за да ги истражиш преубавите планини на Македонија и да се надишеш на чист воздух.
🏎️ Возење картинг
Има ли подобар начин да се ослободиш од наталожениот стрес и да му дозволиш на адреналинот да те понесе од возење картинг?
Опремена со најсовремен и софистициран софтвер за дигитално мерење на време по круг, Skykart патеката ти овозможува и да го покажеш својот натпреварувачки дух на дело и да бидеш запишан во историјата на натпреварувачи со најбрзо извозено време.
📷 Off-road авантури
Дали отсекогаш си посакувал/а да ја истражиш Македонија на еден поинаков начин? Да откриеш скриени планински врвови и села?
Фотомакедонија организира уникатни off-road тури низ земјава и ти овозможува да ги зачуваш спомените од твоите авантури благодарение на нивните современи фотографски и видео услуги.
Па, која активност ќе ја пробаш за почеток? 😎
ФитКит e апликација која ти овозможува да вежбаш кога сакаш и каде сакаш, сега и со опција за закажување сесии со лиценциран психолог.
ФитКит е и пл
атформа со видео програми за вежбање со твоите омилени ликови. Програмите можеш да ги отклучиш со твојата ФитКит претплата, со 15 кредити, 990 денари, или преку видеотеката на MaxTV. Апликацијата е достапна на PlayStore и AppStore.
